إصابة داليا البحيري في يدها.. تعرضت الفنانة داليا البحيري لإصابة في يدها بعد سقوطها على المسرح أثناء عرض مسرحيتها “سيدتي أنا”.
إصابة داليا البحيري في يدها
وكشفت داليا البحيري تفاصيل ما حدث لها، ونشرت عبر حسابها على إنستجرام صورة للأشعة التي خضعت لها على يديها لتحكي ما حدث.
وقالت داليا البحيري: “حادثة صغيرة على ماقسم كده اختل توازني على المسرح ووقعت وقعة جامدة حبيتين … نزلت بكل حملي علي إيدي وحسيت برجة جامدة في دماغي، وجع رهيب إيدي ورمت قلت بس أنا اتكسرت كملت العرض الحمد لله وطلعت على الطوارئ هوب إشاعة هوب الحمد لله مفيش كسر بس في مزق في وتر الإبهام أدى إلى أن العضمة اتحركت من مكانها ياختييييي”.
وتابعت: “كل ده تمام وألف حمد وألف شكر أنها بتيجي على قد كده، المشكلة بقى يا جماعة في إني اكتشفت إني مش عارفة أعمل أي حاجة بمعنى أي حاجة من غير الصباع ده، لا عارفة البس ولا اقلع ولا افتح ازازة الماية مش عارفة أشيل حاجة مش عارفة افتح باب العربية ولا أي أكره مش عارفة اسرح شعري ولا أغسل وشي ولا أي حاجة، وكمان مش عارفة أعمل scroll مش عارفة أعمل like آه والله الـ Like بتوجعني جدا …بس برضو الحمد لله دائما وأبدا ما يقع إلا الشاطر”.
وكانت داليا البحيري احتفلت قبل يومين بحصول مسرحية سيدتي أنا على أفضل عرض مسرحي في المهرجان القومي للمسرح.
