اعتزال خالد الفايد.. حالة من الجدل الكبير، إثارها الفنان الشاب خالد الفايد، اليوم الأحد، وذلك بعد قرره بالعودة من اعتزاله الفن مرة أخرى.
اعتزال خالد الفايد
وقال خالد الفايد على صفحته الرسمية على موقع التواصل الاجتماعي “فيس بوك” : “اكبر غلطه عملتها ف حياتي اني سمعت كلام الناس .. كنت مخلص من قلبي ..لكن شفت منهم عكس كدا.. وربنا يكفيكم شر اللعب ف الودن والكلام الفارغ .. ربنا يبعد عنكم اي حد بيستغلكم ويضحك عليكم باسم الدين .. ربنا يبعد عنكم اي حد عامل فيها مولانا .. صدقوني في حاجات مش هقدر اشرحها ليكم .. ومش هقدر اقول غير اني اتسرعت وغلطت ف هاني محروس غلط كبير بسبب اني اديت ودني للناس وسيبتهم يتكلموا ويولعوا براحتهم.. اوعي تسلم ودنك لحد وتخليه يبخ فيها سموم .. دا درس اتعلمته حبيت اوضحه علشان محدش يقع في نفس غلطتي”.
واضاف خالد الفايد : “مش عيب انك تعتذر .. اعتذر .. اما تحس بالحزن .. انك كنت السبب في الم شخص من دون ما تقصد .. اعتذر .. اما تحس بالضيقة .. انك اهملت شخص كان يستاهل اهتمامك .. اعتذر .. اما تحس بالندم .. انك خسرت عاطفة شخص ما ناحيتك بسبب حاجة غلط انت عملتها .. الاعتذار علاج .. الاعتذار بس هو اللي قادر يصلح كل ده و اكتر .. اعتذار بدون اعذار”.
وظهر خالد الفايد وهو ممسك بالعود من خلال صورة له عبر فيسبوك معلقا عليها : “الموسيقى تجعلنا تعساء بشكل أفضل”.
وزاد خالد الفايد من حيرة جمهوره بشان عودته الى الغناء مجددا حيث علق على أحد تعليقات جمهوره قائلا : “بحب الفن بس مبحبش الفلوس” ليؤكد بعد ذلك على عودته للغناء مجددا من تعليق أحد متابعيه : “وهو ابويا وغالي عليا ربنا يصلح الحال يارب” فى إشارة الى المنتج هانى محروس.
اتجاه للدين.. اعتزال خالد الفايد
أعلن الفنان الشاب خالد الفايد نجم برنامج ذا فويس كيدز، اعتزاله الغناء، وإطلاق اللحية، والاتجاه إلى التدين، بعد أيام من إعلان تحضيره العديد من الأعمال الغنائية الجديدة.
وعلق مطرب ذا فويس المعتزل خالد الفايد، على قرار اعتزاله للمرة الأولى مؤكدا أن هناك أشخاص ينصحونه بالعدول عن القرار.
وكتب المطرب خالد الفايد عبر حسابه الشخصي على فيسبوك: بتفاجئ من عدد من الناس داخلة تكلمني تقولي يابني حقق أهدافك واعمل فلوس وبعدها توب بس وأنت معاك فلوس.
وأضاف: ده هو التلاعب بالتوبة والله، لأن التوبة مش بمزاجك ولا بمزاجي دي هداية وطريق اختاره ربنا لينا، بتضايق جدا من الناس دي.
