أكد الرئيس عبدالفتاح السيسي، انه بداء من مارس 2022. لن يتم السماح بدخول أى بضائع للسوق المصري إلا طبقا للمعايير الأوروبية
وقال الرئيس السيسي خلال تفقد عمليات تطوير ميناء الإسكندرية البحري: “بقول الكلام ده علشان الشركات المعنية تساعد الدولة والحكومة في الإجراءات اللي بنعملها
و هدفها تسهيل الأعمال وقدر ضخم من الشفافية، فضلا عن دولة بتتكلم زي ما الدول المتقدمة في التجارة بتعمل كده، لأن النهاردة احنا شغالين في حاجة اسمها المعايير الأوروبية، علشان لن نسمح بدخول أى بضائع إلا طبقا للمعايير الأوروبية”.
وتابع الرئيس السيسي: “مش هنقبل ان حاجة تدخل للبلد ، أي حد يستورد إي حاجة يبيعها للناس تشتغل أسبوع او شهر وتترمى لا..
احنا هندخل كل البضائع للبلد طبقا للمعايير الأوروبية زي الدول المحترمة مبتشتغل.. حاجتنا نجيبها من شركات محترمة علشان الناس اللى في مصر تشترى وهى مطمنة .
ومش هنسمح لأى مستورد أنه يجيب أى حاجة مش هانوافقله وكام شهر اللى فات كان عبارة عن إجراءات اختبارية،
لكن من أكتوبر هنبدأ التجهيز للتطبيق، وبدءا من مارس 2022 سيتم تطبيق المعايير اللى اتفقنا عليها، لكل البضائع اللى تدخل مصر طبقا للمعايير الأوروبية،
ويبقا ادينا فرصة للمستوردين لما يتعاقدوا على بضائع ومواد هيطبق عليها المعايير اللى بتكلم عليها، ولو مش هانبقي جاهزين في مارس 2022 قولولي”.
