كشف الفنان محمد عز عن تعرضه لعملية نصب من احد المنتجين، حيث اعلن عبر حسابه الخاص على موقع التواصل الاجتماعى فيس بوك قائلا : ” ادعي انه منتج وبالفعل مضيت معاه فيلم وصورت ومن اكتر الحاجات اللي اشتغلت فيها وتعبت فيها وهو للاسف اكل حقي وحق ناس كتير حتي الماتريال رماه ومدفعش حقه (حسن شمس ) ان شاء الله من بكره هيبتدي المحامي اجراءاته ومش هسيب حقي بعد كدا ودي كمان صور الشيكات اللي مش عارف اطول منها جنيه من شهر يناير ولا حتي عارف اوصله ربنا كريم ”
القصة الكاملة للنصب على الفنان محمد عز
و قال عز انه تحمل الكثير حتى لا يثير مشاكل فى عمل فنى يشارك فيه و تابع قائلا : ” القصة كاملة هي أننا استحملنا علشان نكمل الفيلم احنا مضيفا اننا اشتغلنا بكامل قوتنا لنجاحه،اشتغلنا 8ايام تصوير في ظل ظروف صعبة،كما إننا كممثلين اخذنا ربع أجر والباقي المستحق هناخدة كدفعات كأي عمل و اضاف : ” فيه ناس أخذت شيكات من المستحقة من أجورها وناس لا ،ورحنا نصرف الشيك نلاقي بدون رصيد،رجعنا كلمناه قالي انا لي فلوس برة وهتاخدو فلوسكم وفجأة يقفل تيلفونة ميردش على حد ،كل الناس ليها فلوس “شركه الكاميرات ،ليها فلوس ،راجل صاحب الكامب في الواحات،اللي صورنا وكنا مقيمين هناك ليه فلوس و ختم حديثه : ” احنا مش عايزين غير حقنا ممكن نكمل الفيلم معندناش مشكلة أهمة حاجه ينجح ” .
مشيرا الى انه بدأ باتخاذ الاجراءات القانونية اللازمة و انه لديه صور الشيكات التى وقع عليها المنتج و اتضح بعد ذلك انها بدون رصيد
و فى نفس السياق اكد المخرج أسامة بركات ان فريق عمل فيلم ” عين حورس “تعرض لعمليه نصب محترفة مؤكدا ان الشيكات التى حررها المنتج لهم كانت بدون رصيد لافتا انه ان لم يحصل على مستحقاته سوف يلجأ الى القضاء لاسترداد حقه
يذكر أن أخر يجهز عز لطرح فيديو كليب أغنيته الجديدة التي تحمل اسم “أيوة بغير عليها” وذلك بالتزامن مع موسم عيد الأضحى 2022 و الأغنية من كلمات محمد جمال وألحان سيد الشاعر ومن توزيع مصطفى البوب و اخراج مصطفى بركات.
