عودة خالد الفايد إلى الغناء.. يواصل نجم ذا فيوس كيدز، الفنان خالد الفايد إثارة الجدل بتصريحات الغريبة والمتناقضة بعد عودته للغناء مرة أخرى، وذلك من خلال حسابه الرسمي بموقع التواصل الإجتماعي “فيسبوك”.
عودة خالد الفايد إلى الغناء
ونشر خالد الفايد صورة له رفقة تامر حسني، وعلق عليها: قالولي اللي تختاره تقعد علي الكرسي بتاعه وقتها اخترت تامر ومكنتش متخيل رد فعله ابدا ومن وقتها حددت هدفي اني اشتغل علي نفسي لحد ما اقعد الكرسي واكون محكم بجد مش متسابق ..مكمل ولا عزاء للمتخلفين فكرياً.
وتابع خالد الفايد حديثه، فقال: المزيكا بتخليني مأذيش حد بكلامي، بتخليني انسان راقي فاهم كل حاجه بيعملها، بتخليني انسان حساس وبراعي ربنا ف كل حاجه، بتخليني رحيم بالحيوانات والطيور بتخليني احس بالحياه وجمالها، بتخليني انسان بكل معني الكلمة.. المزيكا مش حرام ربنا اجمل من انه يحرم حاجه مفيدة بالشكل دا.
وكان قد أعلن خالد الفايد تصالحه مع نصر محروس منذ أيام، فقال: أكبر غلطه عملتها ف حياتي أني سمعت كلام الناس كنت مخلص من قلبي ..لكن شفت منهم عكس كدا وربنا يكفيكم شر اللعب ف الودن والكلام الفارغ، ربنا يبعد عنكم اي حد بيستغلكم ويضحك عليكم باسم الدين، ربنا يبعد عنكم اي حد عامل فيها مولانا وهو عطاط صدقوني في حاجات مش هقدر اشرحها ليكم ومش هقدر اقول غير اني اتسرعت وغلطت ف هاني محروس غلط كبير بسبب اني اديت ودني للناس وسيبتهم يتكلموا ويولعوا براحتهم.. اوعي تسلم ودنك لحد وتخليه يبخ فيها سموم، دا درس اتعلمته حبيت اوضحه علشان محدش يقع في نفس غلطتي.
وتابع في منشور أخر، قائلا: حلو اوي انك تعمل الحاجة اللي بتحبها وتسيبك من كل القيود والافكار الرجعية، اول يوم انام مرتاح نفسيا وحاسس اني بعمل حاجه صح.. ولقيت نفسي وطردت الافكار الهدامه من دماغي.. انتصرت علي نفسي الحمد لله.
