واصل مجدي عبدالغني، لاعب الأهلي السابق هجومه الحاد على سيد عبدالحفيظ، مدير الكرة بنادي الأهلي، ردا على تصرحات الأخير.
وقال عبدالغني في تصريحات إعلامية، خلال الساعات الماضية: حبى للنادى الاهلى مش علشان الفلوس، ولا طمع فى منصب جوا النادى، انا بحب الاهلى اللى لعبت فيه وبعتبر رمز من رموزه.
أضاف عبدالغني”أنا مش بقف على باب النادى وأتمحلس يا سيد عبدالحفيظ زيك، علشان كده أنا بره النادي وأنت مدير الكورة”.
وأوضح نجم الأهلي السابق، أن كل العالم قنوات الأندية تقوم لأغراض كروية وتسويقية إلا قناة الأهلي قائمة لسب كل من ينتقد محمود الخطيب موضحا أن الكتائب الإلكترونية تحصل على المال ومعروف من يصرف عليهم وتذهب للمدرج من أجل سبي رغم أني رمز من رموز الأهلي.
و تابع عبدالغني: عيب اما تقولى مبادئ الاهلى، وهى مبادئ الاهلى ان رمز من رموزه يتشتم كل يوم من كتائب الكترونية مدفوعة الاجر على السوشيال ميديا.
وأختتم” أنا ابن السيد محمد عبدالغني يا سيد عبدالحفيظ السيد عبدالغني اللي لما الناس بتعدي من قدام مكتبه بتقف انتباه.. أنا قولتلك أنا ابن مين يا سيد أنت بقي ابن مين؟”
